Italiya FF “Yuventus” xo'jayinining chetlatilishini bekor qildi

SHu yilning sentyabr oyida “Yuventus” klubi prezidenti Andrea Anelli bir yilga barcha turdagi futbol faoliyatidan chetlatilgan edi. Anelli chiptalar sotuvidagi maxinaciyada ayblangandi. 

Funkcionerga o'z lavozimiga qaytib, faoliyatini davom ettirishga ruxsat berildi. Lekin Andrea buning uchun 100 000 evro jarima to'lashi shart. “Yuventus”ning jarimasi esa 300 000 evrodan 600 000 evroga oshirildi. 

Bundan tashqari turinliklarning muxlislar klubi tribunasi 2018 yilning ilk uchrashuvi uchun yopib qo'yiladi. “Yuventus” 22 yanvar kuni “Jenoa”ni qabul qiladi.