Jahon chempionati. Ikki shaxmatchi 1/2 finalda, yana ikki partiyada tay-brek o'ynaladi

Jahon chempionatining sovrin jamg'armasi 450 000 AQSH dollarini tashkil qiladi va g'olib shaxmatchi 60 000 dollarga ega bo'ladi. Ushbu jahon chempionatida yurtimiz sharafini yagona vakilamiz, ayollar o'rtasida xalqaro grossmeyster Gulruhbegim Tohirjonova muvaffaqiyatli himoya qildi. 

Garchi u chorak final bosqichida ikki o'yin natijasiga ko'ra amaldagi jahon chempioni xitoylik Czyuy Venczyunga imkoniyatni boy bergan bo'lsa-da, Gulruhbegimning jahon chempionatidagi ishtiroki muvaffaqiyatli chiqdi. U reytingda o'zidan yuqorida turgan uch raqibni mag'lub etdi. Qora donalarda o'ynashiga qaramay, amaldagi jahon chempioni bilan durangga erishdi. 

Afsuski, tajriba muhim pallada o'z so'zini aytdi. Sakson birinchi yurishdan so'ng grossmeysterimiz o'z mag'lubiyatini tan oldi. SHu paytgacha o'zbekistonlik ayol shaxmatchilardan hech biri jahon chempionatining yarim final ostonasiga qadar etib kelmagan edi. 

Kechagi chorak finalning ikkinchi partiya uchrashuvlaridan so'ng Katerina Lagno va aynan Czyuy Venczyun yarim final yo'llanmasini qo'lga kiritdi. Mariya Muzichuk - Abdumalik hamda Aleksandra Kostenyuk - Anna Muzichuk partiyalarida bugun hal qiluvchi tay-brek o'ynaladi.