Jahon chempionatida yarim finalchilar malum bo'ldi

Jahon chempionatining sovrin jamg'armasi 450 000 AQSH dollarini tashkil qiladi va g'olib shaxmatchi 60 000 dollarga ega bo'ladi. Ushbu jahon chempionatida yurtimiz sharafini himoya qilgan vakilamiz, ayollar o'rtasida xalqaro grossmeyster Gulruhbegim Tohirjonova yarim final ostonasida amaldagi jahon chempioni tomonidan to'xtatildi. 

Garchi u chorak final bosqichida ikki o'yin natijasiga ko'ra amaldagi jahon chempioni xitoylik Czyuy Venczyunga imkoniyatni boy bergan bo'lsa-da, Gulruhbegimning jahon chempionatidagi ishtiroki muvaffaqiyatli chiqdi. U reytingda o'zidan yuqorida turgan uch raqibni mag'lub etdi. Qora donalarda o'ynashiga qaramay durangga erishdi. 

Afsuski, tajriba muhim pallada o'z so'zini aytdi. Sakson birinchi yurishdan so'ng grossmeysterimiz o'z mag'lubiyatini tan oldi. SHu paytgacha o'zbekistonlik ayol shaxmatchilardan hech biri jahon chempionatining yarim final ostonasiga qadar etib kelmagan edi. 

CHorak final natijalari: 

Czyuy Venczyun - Gulruhbegim Tohirjonova - 1,5:0,5

Katerina Lagno - Ley Tincze - 2:0

Mariya Muzichuk - Jansaya Abdumalik (Qozog'iston) - 4,5:3,5 (tay-brek o'ynalgan)

Aleksandra Kostenyuk - Anna Muzichuk - 2,5:1,5 (tay-brek o'ynalgan) 

Yarim final juftliklari: 

Aleksandra Kostenyuk – Czyuy Venczyun

Mariya Muzichuk - Katerina Lagno