Jahon chempionatining 8-turida qolgan shaxmatchilarimiz qanday natija qayd etishdi?

Biroz avval rapid yo'nalishi bo'yicha 8-tur uchrashuvlari yakunlandi. Rapid bo'yicha amaldagi jahon chempioni Nodirbek Abdusattorov 8-turda oq donalarda rossiyalik Vladimir Fedoseev bilan murosaga keldi. Bu bilan Nodirbek ochkolari sonini 6,5 taga etkazib, qo'shimcha koeficentlarga ko'ra 2-o'ringa ko'tarilib oldi. Bu turda amaldagi jahon toji sohibi Magnus Karlsen rossiyalik Daniil Dubov bilan durang o'ynadi. 

Birinchi ayol grossmeysterimiz Nafisa Mo'minova qora donalarda harakat qildi va 12-jahon chempioni, rossiyalik Aleksandra Kostenyukka imkoniyatni boy berib qo'ydi. Bu turda Umida Omonova g'alaba qozondi, Afruza Hamdamova esa yutqazdi.  

Quvonarlisi, Javohir Sinadarov, SHamsiddin va Jahongir Vohidov, Muhiddin Madaminov bu turda raqiblarini mag'lub eta olishdi. 

SHaxmatchilarimizning 8-turdagi natijalari (erkaklar): 

Nodirbek Abdusattorov (2676) - Vladimir Fedoseev (FIDE, 2741) 0,5-0,5

Ivan CHeparinov (Bolgariya, 2652) - Nodirbek Yakubboev (2573) 0,5-0,5

Vasif Durarbayli (Ozarbayjon, 2513) - Javohir Sindarov (2596) 0-1

Ramazan Jalmaxanov (Qozog'iston, 2399) - Jahongir Vohidov (2529) 0-1

Lev Zverev (FIDE, 2257) - SHamsiddin Vohidov (2481) 0-1

Srinat Narayanan (Hindiston, 2518) - Muhiddin Madaminov (2337) 0-1

Muhammadzohid Suyarov (2089) - Arjun Kalyan (Hindiston, 2426) 0-1

Frederik Sven (Germaniya, 2466) - Humoyun Begmuratov (2292) 1-0

Qizlarimizning 6-turdagi natijalari:

Aleksandra Kostenyuk (FIDE, 2537) - Nafisa Mo'minova (2242) 1-0

Umida Omonova (2059) - Nomin-Erdene (Mo'g'uliston, 2304) 1-0 

Afruza Hamdamova (2052) - Rout Radmini (Hindiston, 2290) 0-1