Jahon Kubogi. Finalning ilk partiyasida murosa, Abasovda esa g'alaba

Erkaklar o'rtasidagi bahslarda final hamda 3-o'rin uchun uchrashuvning ilk partiyalari o'ynaldi. Uchinchi o'rin uchun kechayotgan uchrashuvda musobaqa kashfiyotiga aylangan ozarbayjonlik Nijat Abasov dunyo reytingida uchinchi o'rinni egallab turgan amerikalik Fabiano Karuanani mag'lub etishni uddaladi.   

Hal qiluvchi final bahsida esa sobiq jahon chempioni, norvegiyalik Magnus Karlsen yana bir kashfiyot, hindistonlik iqtidor egasi Rameshbabu Praggnanandha bilan durang o'ynadi. Bugun har ikki uchrashuvda ikkinchi partiya o'tkaziladi. Abasov uchun durang kifoya qiladi. 

Eslatib o'tamiz, Bokudagi jahon Kubogi chempionlik toji uchun saralash vazifasini ham o'tab beryapti. Kuchli uchlikdan joy olgan grossmeysterlar davogarlar musobaqasiga yo'llanmani qo'lga kiritadi.  

Jahon Kubogi. Erkaklar. Final. Birinchi partiya

Magnus Karlsen (Norvegiya) - Rameshbabu Praggnanandxa (Hindiston) – 0,5:0,5 

Jahon Kubogi. Erkaklar. 3-o'rin uchun bahs. Birinchi partiya

Nijat Abasov (Ozarbayjon) – Fabiano Karuana (AQSH) - 1:0