Jahon kubogi. SHaxmatchimiz 4-bosqichda, yana birida imkoniyat saqlanib qoldi, ikkisida esa mag'lubiyat

Dunyoning 206 nafar shaxmatchisi qatnashishni boshlagan nufuzli musobaqaning 1/32 final bosqichida ikkinchi uchrashuvlar bo'lib o'tdi. Afsuski, javob uchrashuvlaridan so'ng ikki grossmeysterimiz musobaqadagi ishtirokini yakunladi. Nodirbek Abdusattorov meksikalik Xose Martines Alkantaraga ikkinchi uchrashuvda ham yutqazib qo'ydi. 

SHamsiddin Vohidov reytingda o'zidan yuqorida borayotgan hindistonlik Arjun Ergaisi bilan durang o'ynadi, ammo birinchi bahsdagi mag'lubiyat sabab u ham Jahon kubogidagi ishtirokini to'xtatdi. Har ikki grossmeysterimiz 11 000 AQSH dollari miqdoridagi mukofot puliga ega bo'ldi.  

Javohir Sindarov greciyalik Nikolas Teodoruni chiroyli tarzda mag'lubiyatga uchratdi. Birinchi uchrashuvda tomonlar murosaga kelishgandi. Javohir ikki o'yin natijasiga ko'ra 1,5:0,5 hisobida g'alaba qozonib, to'rtinchi davra ishtirokchisiga aylandi. Nodirbek Yakubboev vetnamlik taniqli grossmeyster Tay Van Nguen bilan ikkinchi uchrashuvda ham durang o'ynadi. Bugun ular o'rtasida hal qiluvchi tay-brek partiyalari o'ynaladi. 

Grossmeysterlarimizning uchinchi bosqichdagi ilk natijalari: 

Nodirbek Abdusattorov - Xose Martines Alkantara (Meksika) — 0:2 

Javohir Sindarov - Nikolas Teodoru (Greciya) — 1,5:0,5

Nodirbek Yakubboev - Tay Van Nguen (Vetnam) — 1:1

SHamsiddin Vohidov - Arjun Eragisi (Hindiston) — 0,5:1,5

Nomzodlar turniri yo'llanmasi uchun kechayotgan Jahon kubogining bugungi pley-off uchrashuvlari bizning vaqt bilan soat 14:30da boshlanadi.