Jahonda tengsiz bo'lgan yosh shaxmatchilarimiz tantanali kutib olindi + FOTO

Xabaringiz bor, Greciyaning Rodos shahrida yoshlar o'rtasidagi Jahon chempionatida rapid va blits yo'nalishlarida Umida Omonova 2ta oltin va Humoyun Bekmuratov esa 2ta kumush medalni qo'lga kiritishdi. Yana bir shaxmatchimiz Almas Rahmatullaevga musobaqada biroz omad etishmadi. U kuchli beshlikdan joy oldi.

Yosh va umidli shaxmatchilarimizni Islom Karimov nomidagi Toshkent xalqaro aeroportida O'zbekiston Respublikasi sportni rivojlantirish vazirining maslahatchisi Avazjon Karimov, Yoshlar ishlari agentligi direktorining o'rinbosari Jamshid Xodjaev, O'zbekiston shaxmat federaciyasi masullari, sportchilarning ota-onalari hamda OAV vakillari tantanali ravishda kutib olishdi.

SHaxmatchilarimizga erishgan yutuqlari uchun estalik sovg'alari taqdim etildi. 

Malumot uchun, Greciyadan qaytgan shaxmatchilarimiz bugundan Georgiy Agzamov xotirasiga bag'ishlab o'tkazilayotgan «Tashkent Open-2022» XV xalqaro turnirining 2-turidan bahslarga kirishadi.