04 okt 21:11
Yangiliklar
Boks/MMA
Janibek Alimxanuli Yangi Zelandiya bokschisini nokautga uchratib, chempionlik kamarini himoya qildi
Bugun Avstraliyaning Sidney shahrida navbatdagi professional boks oqshomi tashkil etildi.
Oqshomning markaziy jangida qozog'istonlik professional bokschi, o'rta vazn toifasida IBF va WBO kamarlari sohibi Janibek Alimxanuli Yangi Zelandiya vakili Andrey Mixaylovichga qarshi ringga ko'tarildi.
12 raundlik jang to'qqizinchi raundda yakunlandi. Unda Alimxanuli raqibini nokaut orqali muddatidan oldin taslim etishga muvaffaq bo'ldi.
SHu tariqa, Janibek mazkur jang orqali o'ziga tegishli bo'lib turgan WBO va IBF kamarlarini muvaffaqiyatli himoya qildi.
Bu 31 yoshli Alimxanuli uchun 16-jangidagi 16-g'alabasi bo'ldi. Mixaylovich esa 23-jangida ilk bor mag'lubiyatni qabul qilib oldi.
Havola :
Manba : olamsport.com
Fikrlar