Jasur Matchanov Xitoy Milliy olimpiya qo'mitasi Bosh kotibi bilan uchrashuv o'tkazdi

Bugun Jasur Matchanov Xitoy Milliy olimpiya qo'mitasi Bosh kotibi Keking Song bilan uchrashuv o'tkazdi.

Uchrashuv davomida ikki mamlakat Milliy olimpiya qo'mitalari o'rtasidagi hamkorlik aloqalarini mustaxkamlash, tajriba almashish, mutaxassislar, jumladan sport tibbiyoti mutaxassilari bo'yicha o'zaro fikr almashishdi.

Unda ananaviy tibbiyotni O'zbekistonda ham rivojlantirish, Xitoydan mutaxassislarni jalb qilish masalasiga alohida etibor qaratildi. Unga ko'ra, O'zbekiston tomoni talab yuqori bo'lgan mutaxassislar ro'yxatini taqdim etadi. O'z navbatida xitoylik mutaxassislar yurtimizga tashrif buyurib, bu borada o'zlarining qimmatli maslahatlarini beradilar.

SHuningdek, Xitoy Olimpiya qo'mitasidan O'zbekistonga sportni rivojlantirish bo'yicha maslahatchi olib kelish borasida kelishuvga erishildi.