Javohir Sindarov Freestyle Chess Grand Slam turniri 1/2 finalida!

Hamyurtimiz 20 nafar shaxmatchi qatnashgan saralash bahslarida 7,5 ochko bilan pley-off bosqichiga yo'l oldi. Sindarov 6 g'alaba va 3 durang bilan qo'shimcha ko'rsatkichlarga ko'ra 3-o'rinni egalladi. Etti g'alaba, 1 ta durang va 1 ta mag'lubiyat qayd etgan rossiyalik Denis Lazavik 7,5 ochko bilan 2-pog'onadan joy oldi. Sloveniya sharafini himoya qilayotgan Vladimir Fedoseev esa 8 ochko bilan 1-o'rinni band etdi. 

Javohir Sindarov pley-off bosqichini ham muvaffaqiyatli o'tkazyapti. U 1/8 finalda xitoylik Vey Yini 1,5:0,5 hisobida mag'lubiyatga uchratdi. CHorak finalda esa hindistonlik grossmeyster Rameshbabu Praggnanandhaga hech qanday imkoniyat qoldirmadi - 2:0! 

Bugun Javohir 1/2 finalda yana bir xitoylik shaxmatchi - YU Yang Yiga qarshi bahs olib boradi. Final uchrashuv ham bugunga belgilangan. G'olib shaxmatchi fevral oyida bo'lib o'tadigan asosiy turnirga yo'llanma oladi. Unda Nodirbek Abdusattorov ham ishtirok etadi. Nodirbek to'g'ridan-to'g'ri yil davomida dunyoning bir nechta shahrida o'tkaziladigan Freestyle Chess Grand Slam 2025 turniri ishtirokchisiga aylangan. 

Afsuski, yana bir grossmeysterimiz SHamsiddin Vohidov saralash turnirida 9 imkoniyatdan 6 ochko (5 g'alaba, 2 durang, 2 mag'lubiyat) to'plab, qo'shimcha ko'rsatkichlarga ko'ra 19-o'rin bilan kifoyalandi.