Javohir Sindarov Jahon kubogining 3-bosqichida! Yana bir hamyurtimiz musobaqani tark etdi

Bugun musobaqada 2-bosqichning tay-brek bahslari o'tkazildi. Unda ikki nafar hamyurtimiz - Javohir Sindarov va Nodirbek Yakubboev ishtirok etdi. 

Javohir Sindarov avstriyalik raqibini mag'lub etgan bo'lsa, Nodirbek Yakubboev afsuski vengriyalik grossmeysterga yutqazib qo'ydi. 

Javohir Sindarov - Markus Ragger (Avstriya) 1:0 (2:1)

Nodirbek Yakubboev - Benjamin Gledura (Vengriya) 1:1 (1:2).

Endi Javohir Sindarov ertaga 3-bosqichda franciyalik Maksim Vashe-Lagravga qarshi dona suradi.