Javohir Sindarov: "Nodirbek bunga chin dildan loyiq edi"

"Turnirni g'alaba bilan yakunlaganimdan juda xursandman. So'nggi kunda juda yaxshi o'ynadim. Albatta, blitc tay-breykka chiqish imkoni bo'lmagani biroz achinarli, lekin baribir juda baxtliman — ayniqsa do'stim Nodirbek uchun. U bunga chin dildan loyiq edi. Bu erda to'rtinchi bor o'ynadi va oldin doim ikkinchi yoki uchinchi bo'lgan, endi esa nihoyat turnirni yutdi. U ajoyib musobaqa o'tkazdi. Bunday yirik turnirda birinchi va ikkinchi o'rinni egallash — mamlakatimiz uchun ulkan muvaffaqiyat. G'alabalar orasida eng yoqqani — Blyubaumga qarshi match. Duranglar ichida esa Gukeshga qarshi partiya: o'sha o'yinda poziciyam haqiqatan ham yutqazilgan edi, lekin juda yaxshi himoyalandim. U kompyuterdek hujum qildi, ammo men bardosh berdim. Navbatdagi turnir — o'n kundan keyin bo'ladigan Freestyle Chess bo'yicha Jahon chempionati. Birinchi o'rinda, avval dam olaman. Turnir juda og'ir bo'ldi, kuchimni tiklab, keyin yana maksimal natija uchun harakat qilaman", deydi Sindarov.