JCH-2022 saralashi. Bugun O'zbekiston musobaqadagi yurishini boshlaydi

Ektor Kuper boshchiligidagi futbolchilarimiz Ramalloh shahrida Falastin terma jamoasiga qarshi maydonga tushishadi. Kecha har ikkala jamoa bosh murabbiylari va bir nafardan futbolchi ishtirokida o'yinoldi matbuot anjumani bo'lib o'tdi.

Ektor Kuper: "Jahon chempionatiga chiqishning hech qanday siri yo'q"         

Falastin bosh murabbiyi: "Iyul oyidan beri saralash bahslariga tayyorgarlik ko'rdik"         

Bugungi bahsda O'zbekiston oq, Falastin esa qizil rangli formada o'ynaydi.

Uchrashuvni xitoylik Fu Ming boshchiligidagi hakamlar boshqarib borishadi.

Kecha shuningdek ikkala jamoa o'yin bo'lib o'tadigan stadionda rasmiy mashg'ulotni o'tkazishdi.

Bugungi bahs Toshkent vaqti bilan soat 19:00da boshlanadi. SPORT telekanali uchrashuvni to'g'ridan-to'g'ri namoyish etadi. O'yinni Xayrulla Hamidov sharhlab boradi.