07 jan 12:05
Yangiliklar

Engil atletika

Jirafa jahon engil atletika estafetasining timsoli bo'ldi

Jirafa Lunani bu yil Sileziyada (Polsha) bo'lib o'tadigan jahon engil atletika estafetasining rasmiy timsoli sifatida taqdim etildi.

Lunani mohiyat jihatidan timsollar jamoasining “sardori” bo'ladi va unga 2021 yil 1-2 may kunlari jahon estafetasi bo'lib o'tadigan “Slaski” stadionidan atigi bir kilometr uzoqlikdagi Sileziya hayvonot bog'idan yana uchta jirafa qo'shiladi.

«Silesia-21» jahon estafetasi Olimpiya o'yinlari hamda 2022 yilda Oregonda bo'lib o'tadigan engil atletika bo'yicha jahon chempionatida ishtirok etish huquqini qo'lga kiritishning so'nggi imkoniyatlaridan biri bo'ladi.

Engil atletikaning jahon estafetasi hisob bo'yicha beshinchisi va Evropada o'tkaziladigan ilk musobaqa bo'ladi. Uning avvalgi mezbonlari Bagam orollari (3 marta) hamda Yaponiyaning Yokogama shaharlari bo'lgan edi.