Jismoniy tarbiya va sport boshqarmasi boshlig'ining maxsus kanali ishga tushdi

Bu haqda Toshkent viloyati Jismoniy tarbiya va sport boshqarmasi xabar bermoqda. Endilikda viloyatning barcha tuman va shahar jismoniy tarbiya va sport bo'limlari, bolalar-o'smirlar sport maktablari, sport federaciyalari, talim muassasalari va boshqa tashkilotlar yaratilgan ushbu ijtimoiy tarmoq orqali jismoniy tarbiya va sport jarayonlarini kuzatib boradi va o'z muammolarini bevosita bildirib o'tish imkoniyatiga ega bo'lishadi.  

Bunday qulaylik aholini, ayniqsa, sportga dahldor insonlarni mushkulini oson qilishda, jismoniy tarbiya va sportni keng ommalashishida xizmat qilishi bor gap.

- Keyingi yillarda O'zbek sportida yuksalish davri boshlanganini qo'lga kiritilayotgan muvaffaqiyatlardan ham sezish mumkin. Ammo biz yutuqlar bilan cheklanib qolmasdan, viloyatimiz bo'ylab sportni yanada ommalashtirishimiz va xalqaro sport maydonlarida yurtimiz sharafini munosib himoya qiladigan  iqtidorlarni tayyorlashimiz, zaxirasini boyitishimiz zarur, - deydi Toshkent viloyati jismoniy tarbiya va sport boshqarmasi boshlig'i K.Adilov. - Rejamizga muvofiq, viloyatimizdagi har bir tuman va shaharning eng chekka hududlarigacha sport orqali kirib boramiz. Sportning rivoji uchun endilikda aholi bilan doim muloqotda bo'lib, yo'l qo'yilayotgan xato va kamchiliklarni o'z vaqtida bartaraf etish, tizimda korrupciyaga yo'l qo'ymaslik singari qator masalalar yuzasidan telegram kanalini ishga tushirdik. Viloyatimizda sportning yuksalishi borasidagi fikr-mulohazalar, taklif va etirozlari bilan ushbu telegram kanal orqali shaxsan o'zimga bayon qilishlari mumkin bo'ladi. Bir narsani hech qachon unutmasligimiz lozim - bu Yurt barchamizniki va uning rivoji yo'lida barchamiz birdek masulmiz!

Toshkent viloyat Jismoniy tarbiya va sport boshqarmasi boshlig'i Komiljon Adilov 

rasmiy kanali : https://t.me/toshkentvilsport_murojat

Ilhom RAHMONOV tayyorladi