Jismoniy tarbiya va sport vazirligi tomonidan joylardagi tabiiy ofatlardan jabr chekkan sport inshootlariga yordam ko'rsatish uchun maxsus hisob raqami ochildi

Joriy yilning 27 aprel kuni Turkmaniston Respublikasi orqali Buxoro va Navoiy viloyatlariga kirib kelgan kuchli shamol va yomg'ir hamda 1 may kuni Sirdaryo viloyatidagi Sardoba suv omborida yuz bergan falokat natijasida hududlarda joylashgan jismoniy tarbiya va sport obektlariga ham jiddiy zarar etdi. Ushbu talofatlar oqibatini bartaraf etish uchun Jismoniy tarbiya va sport vazirligi tomonidan qo'shimcha homiylik va insonparvarlik yordamini jalb qilish maqsadida quyidagi maxsus hisob raqami ochilganligini malum qilamiz:

8600 3808 7580 8647 GUP SPORT OBYEKTLARI

Joylarda jismoniy tarbiya va sportni yanada rivojlantirish, yosh va iqtidorli sportchilarni kashf etishda o'z hissasini qo'shish istagini bildirgan yurtdoshlarimiz ushbu maxsus hisob raqamiga mablag' o'tkazish yo'li bilan insonparvarlik yordami ko'rsatishlari mumkin.

Aziz yurtdoshlar, bugungi mohi Ramazon kunlarida barchamiz birlashaylik! Tabiiy ofatlar natijasida jabr chekkan hududlarni yolg'izlatib qo'ymaylik!

Jismoniy tarbiya va sport vazirligi Matbuot xizmati