Jon Izner Frensis Tiafoni mag'lub etib, Xyuston turniri yarim finaliga chiqdi

Jahonning 27-raketkasi, amerikalik Jon Izner turnirning chorak finalida ATR reytingida 30-pog'onani egallab tkrgan hamyurti Frensis Tiafoni 6/4, 2/6, 6/3 hisobida mag'lub etib, musobaqadan chiqarib yubordi.

Uchrashuv 2 soat davom etdi. Ushbu vaqt davomida 36 yoshli Izner 16 ta eys zarbasini amalga oshirdi, to'pni o'yinga kiritishda 2 marta xatoga yo'l qo'ydi va 2 ta breyk-poyntdan unumli foydalandi. 24 yoshli Tiafo esa 4 marta eys zarbasini amalga oshirib, 3 bor qo'sh xatoga yo'l qo'ydi va 2 ta breyk qayd etdi. Sportchilarning o'zaro uchrashuvlarida hisob Jon foydasiga 3:0 ko'rinishiga keldi.

Xyustondagi musobaqaning yarim finalida Izner chililik Kristian Garinga qarshi bahs olib boradi.