Jonbibi Hukmova Osiyo chempionatida ikkinchi oltin medalini qo'lga kiritdi

Atletlarimiz kechagi kun dasturida 1 tadan oltin va kumush medallariga egalik qilishdi.

800 metr masofadagi bahslarda zafar quchgan Jonbibi Hukmova 400 metr (51,19 soniya) masofada ham tengsizligini isbotlab, musobaqadagi ikkinchi oltin medalini rasmiylashtirdi. SHuningdek, 400 metrga to'siqlar osha yugurish dasturida Nurxon Ochilova (57,99 soniya) kumush medal bilan taqdirlandi.

SHu tariqa, uchinchi kundan keyin delegaciyamiz 3 ta oltin va 4 ta kumush medallari bilan umumjamoa hisobida Xitoy hamda Yaponiyadan keyin uchinchi o'rinda ketmoqda.

G'olib va sovrindor sportchilarimiz:

Oltin medal:

— Jonbibi Hukmova (400 metr)

— Jonbibi Hukmova (800 metr)

— Valeriya Gorbatova (balandlikka sakrash).

Kumush medal:

— Nurxon Ochilova (400 metr, to'siqlar osha)

— Barnoxon Sayfullaeva (balandlikka sakrash)

— Ayyubxon Fayozov (bosqon uloqtirish)

— Ibrohim Mahkamov (uch hatlab sakrash).