09 avg 08:23
Yangiliklar

Tennis

Jo'rabek Karimov Minskda chorak finalga chiqdi

Belarus poytaxti Minsk shahrida tennis bo'yicha “Fyuchers” turkumiga kiruvchi turnir bo'lib o'tmoqda.

Sovrin jamg'armasi 15 000 AQSH dollarini tashkil qiluvchi ushbu musobaqada hamyurtimiz Jo'rabek Karimov ham muvaffaqiyatli ishtirok etyapti. Uchinchi raqam ostida tasniflangani Jo'rabek birinchi davrada latviyalik Arturs Lazdinsdan 6:4, 6:3 hisobida ustun kelgandi.

Kecha Karimov ikkinchi bosqich uchrashuvida turkiyalik Sarp Agabigunga qarshi bahs olib bordi va raqibini 6:4, 7:6(5) hisobida mag'lubiyatga uchratdi. Endi tennischimiz yarim final chiptasi uchun gruziyalik Georgi Cevadzega qarshi kortga chiqadi.