01 avg 13:23
Yangiliklar

Tennis

Jo'rabek Karimov Telavi turnirida chorak finalga chiqdi

Gruziyaning Telavi shahrida tennis bo'yicha erkaklar o'rtasida mukofot jamg'armasi 15 000 AQSH dollarini tashkil etuvchi ITF turniri davom etmoqda.

Ushbu musobaqaning yakkalik va juftlik bahslarida hamyurtlarimiz ham muvaffaqiyatli tarzda ishtirok etishyapti. Turnirning ilk davrasida Olimjon Nabievni mag'lub etgan Jo'rabek Karimov biroz avval chorak final yo'llanmasini qo'lga kiritdi.

Istedodli tennischimiz 1 soatu 22 daqiqa davom etgan uchrashuvda belaruslik Aleksandr Bulickini 6:4, 6:3 hisobida mag'lub etdi va chorak finalga yo'l oldi.