Jo'rabek o'zidan 227 pog'ona yuqoridagi tennischini mag'lub etdi

“Qatar Fyuchers 5” nomli musobaqaning asosiy to'r bahslarida ishtirok etayotgan hamyurtimiz Jo'rabek Karimov ikkinchi davra uchrashuvini o'tkazdi. Tennischimizning raqibi turnirning sakkizinchi raketkasi, franciyalik Entoni Eskoffier bo'ldi.

Uchrashuvda Jo'rabek raqibini 6:4, 6:1 hisobida mag'lub etib, chorak finalga chiqdi. Endi Karimov yarim final chiptasi uchun kechadigan bahsda germaniyalik Jorj van Massovga qarshi kortga chiqadi.

Taqqoslash uchun, Jo'rabek Karimov dunyo reytingida 614, Eskofier esa 387-o'rinni egallab turibdi. Jo'rabekning bugungi raqibi kecha turnirning uchinchi raketkasi shveciyalik Markus Erikssondan 4:6, 6:4, 6:3 hisobida ustun keldi.