23 may 09:45
Yangiliklar

Tennis

Jo'rabek Ukrainada italiyalik tennischiga qarshi kortga chiqadi

Ukrainaning Rivne shahrida tennis bo'yicha “Fyuchers” turkumiga kiruvchi turnir davom etmoqda.

Sovrin jamg'armasi 15 000 AQSH dollarini tashkil qiluvchi musobaqada istedodli tennischimiz Jo'rabek Karimov ham muvaffaqiyatli ishtirok etyapti. Hamyurtimiz saralash musobaqasida ikki g'alabaga erishib, asosiy to'rga yo'l olgandi.

Asosiy to'rning ilk davrasida u turnirning birinchi raketkasi ukrainalik Artyom Smirnovni 6:3, 6:2 hisobida taslim etdi. Endi Jo'rabek ikkinchi bosqich uchrashuvida italiyalik Andrea Bessirega qarshi kortga chiqadi.

Andrea ham asosiy to'rga saralash bahslari orqalib etib kelgan. U ilk davrada asosiy to'rga imtiyozli ravishda qo'yilgan ukrainalik Bogdan Didenkodan 6:1, 6:0 hisobida ustun keldi. Jo'rabek ATP reytingida 504-o'rinda bormoqda. Bessire esa deyarli 1400 pog'ona pastda joylashgan.