Jo'rabekning chorak finaldagi raqibi malum

“Fyuchers” turkumiga kiruvchi musobaqada ishtirok etayotgan hamyurtimiz Jo'rabek Karimov yakkalik bahslarida chorak final yo'llanmasini qo'lga kiritgandi. Uning yarim final chiptasi uchun kechadigan uchrashuvdagi raqibi malum bo'ldi.

Hindistonlik Arjun Kadxe turnirning ikkinchi raketkasi Denis Evseevni mag'lubiyatga uchratdi. Aniqrog'i, qozog'istonlik tennischi ikkinchi setning ikkinchi geymidan so'ng bahsni davom ettira olmasligini malum qildi. Bu vaqtga kelib Kadxe 7:5, 2:0 hisobida oldinda borayotgandi.

Malumot uchun, o'tgan hafta Malayziyadagi turnirda bosh mukofotni qo'lga kiritgan 19 yoshli Jo'rabek dunyo reytingida 1029, 23 yoshli Kadxe 796-o'rinni egallab turibdi.