Jumaev CHennaydagi turnirda muvaffaqiyatli dona suryapti

10th Chennai Open International Grandmaster Chess Tournament 2018 for Sakthi Group Dr. N. Mahalingam Trophy musobaqasida 22 davlatdan 267 nafar shaxmatchi dona suryapti. Ishtirokchilarning 16 nafari xalqaro grossmeyster ekani turnir nufuzidan darak beradi.

SHveycarca tizimda o'tkazilayotgan musobaqada o'zbekistonlik xalqaro grossmeyster Marat Jumaev (2434) ham ishtirok etyapti. Hamyurtimiz kecha o'tkazilgan 8-turda gollandiyalik xalqaro grossmeyster Sergey Tivyakov (2584)ni mag'lubiyatga uchratdi.

Bugun samarqandlik grossmeyster 9-turda hindistonlik Visaxga qarshi qora donalarda o'ynaydi. Bugungi uchrashuv oldidan har ikki shaxmatchi hisobida 6,5tadan ochko bor. Qo'shimcha ko'rsatkichlarga ko'ra, Visax uchinchi, Jumaev to'rtinchi o'rinni egallab turibdi.