Kamola va Laylo Turkiyadagi turnirda kortga chiqishdi

Istanbul shahri mezbonligida o'tayotgan ushbu musobaqaning sovrin jamg'armasi 15 000 AQSH dollaridan iborat. Har ikki tennischimiz ham hozirgina asosiy to'rning ilk uchrashuvini o'tkazishdi.

Afsuski, ularning har ikkisi ham birinchi davrada mag'lubiyatga uchrashdi. Umarova 2 soatu 1 daqiqa davom etgan bahsda britaniyalik Mirabell N`jozega 6:7(2), 5:7 hisobida yutqazib qo'ydi.

Asosiy to'rga imtiyozli yo'llanma asosida qo'yilgan Laylo Bahodirova esa 2 soatu 9 daqiqa davom etgan uchrashuvda belgiyalik Ellisa Vanlangendonkka 2:6, 6:7(1) hisobida imkoniyatni boy berib qo'ydi.