Kamonchi Amirxon Sodiqov: "Bunga ishonmagan edim"

Amirxon Sodiqov va Ziyodaxon Abdusattorova murabbiylar shtabi bilan to'rt yillikning eng nufuzli musobaqasi oldidan yakuniy o'quv-mashg'ulot yig'inini o'tkazmoqda. Masuliyatli start oldidan Amirxon Sodiqovning fikrlari bilan o'rtoqlashamiz:

– Licenzion musobaqadan avval Parij-2024 yo'llanmasini qo'lga kiritishingizga ishonganmidingiz?

– To'g'risi, ishongandim. Boisi davlatimiz tomonidan bizga yaratib berilgan ajoyib sharoitlarga munosib javob berishimiz kerak edi. Murabbiylarimiz bilan uzoq vaqt tayyorgarlik ko'rdik, o'z ustimda ishladim. Qolaversa, licenzion turnirdan avval Koreya Respublikasida o'tgan Jahon kubogida Ziyodaxon Abdusattorova bilan bronza medalini qo'lga kiritganim yanada kuch bag'ishladi.

– Bo'lajak Olimpiadadan nimalar kutyapsiz?

– Birinchi bor Olimpiadada qatnashayotganimiz sababli ozroq hayajon bor. Unda boshqa sport turlaridagi yurtimizning eng kuchli atletlari bilan O'zbekiston sharafini himoya qilish o'zgacha faxr beradi. O'z oldimga katta maqsadlarni qo'yganman. Nasib qilsa, unda munosib ishtirok etib, yurtimizga yorug' yuz bilan qaytamiz.