Karantin cho'zildi, bu onlayn shaxmat musobaqasida qatnashish va Spark avtomobilini yutib olish imkoningizni oshiradi

«Uyda qol – g'alaba qozon» shiori ostida o'tkazilayotgan ushbu shaxmat bo'yicha onlayn O'zbekiston musobaqasida qatnashish uchun shu kungacha 3 500 nafardan ortiq yurtdoshimiz CHESS.COM saytida «O'zbekiston Respublikasi Jismoniy tarbiya va sport vazirligi» https://www.chess.com/club/uzbekiston-respublikasi... sahifa orqali ro'yxatdan o'tishgan. Biroq bu so'nggi chegara emas va musobaqada qatnashish istagidagi yurtdoshlarimiz bemalol, hozirning o'zida yuqorida ko'rsatilgan manzil orqali ro'yxatdan o'tishlari mumkin.

20 iyuldan start olgan shaxmat bo'yicha onlayn O'zbekiston musobaqasida har kuni o'rtacha 2 mingga yaqin shaxmatchi g'oliblik uchun o'zaro dona surishmoqda. Va har bir turnir yakuniga ko'ra eng kuchli 10 nafar shaxmatchi saralab olinmoqda. Ular esa shu yil 20 dekabr kuni Toshkentda o'tkaziladigan Grand Final g'olibligi va albatta «Spark» avtomobilini qo'lga kiritish uchun o'zaro bahslashadi.

SHoshiling, imkoniyatni qo'ldan boy bermang. Karantin davrida shaxmat o'ynang hamda Yangi yilni yangi avtomobil bilan kutib oling!

Muhim elon: 24 iyul kuni CHESS.COM platformasida yuzaga kelgan texnik nosozliklar tufayli shaxmat bo'yicha onlayn O'zbekiston musobaqasida 5-turnir bahslari yakuniga etmay qoldi. SHu sababli 24 iyul kungi o'yin natijalari inobatga olinmaydi va mazkur turnir 30 iyul kuni mahalliy vaqt bilan soat 20:00da boshlanadi.

Barchaga omad tilaymiz!

Jismoniy tarbiya va sport vazirligi Matbuot xizmati