Karantindan keyin sportchilarimizning yig'ini qanday tashkil qilinishi mavzusida seminar o'tkazildi

Mavzu - “O'zbekistonda epidemiologik vaziyat barqarorlashgandan so'ng 2021 yil Tokio shahrida (Yaponiya) bo'lib o'tadigan XXXII yozgi Olimpiya va XVI Paralimpiya o'yinlariga O'zbekiston sportchilarini muvaffaqiyatli tayyorlash”.

Unda O'zbekiston Respublikasi Prezidenti administraciyasi (O'zRPA) masul xodimi SHavkat Sultonov, MOQ prezidenti maslahatchisi Nazirjon Xudoyqulov, RSTIAM direktori, tibbiyot fanlari doktori, professor Abdushukur Sadikov, yurtimizda faoliyat olib borayotgan Olimpiya sport turlari bo'yicha federaciyalarning Bosh kotiblari, terma jamoa murabbiylari va sport shifokorlari ishtirok etishdi. Takidlash joiz, mazkur uchrashuvda qatnashgan barcha mutasaddilar ijtimoiy masofa va shaxsiy gigiena qoidalariga qatiy amal qilishdi va seminar ikki qismda tashkil etildi.

Dastlab RSTIAM shifokori Tatyana Taralyova O'zbekiston taekvondo associaciyasi misolida COVID-19 infekciyasining tarqalishini oldini olish, federaciya hududida olib borilgan ishlar to'g'risida malumot berdi. So'ng RSTIAM davolash ishlari bo'yicha direktor o'rinbosari Dilshod Mahmudov koronavirus infekciyasiga qarshi kurash bo'yicha hukumatimiz tomonidan chiqarilgan tegishli qarorlar, sportchilarimizni bo'lajak Olimpiya va Paralimpiya o'yinlariga tayyorlash bo'yicha markaz tomonidan ishlab chiqilgan “Yo'l xaritasi” haqida tushuntirish berdi.

SHuningdek, seminar davomida RSTIAM direktori Abdushukur Sadikov mamlakatimizda elon qilingan karantin bekor qilingach terma jamoa sportchilarining o'quv-yig'in mashg'ulotlarini qanday olib borishi haqida to'xtalib o'tdi.

Seminar qatnashchilari o'z ishlarini taqdim qilgach, yig'ilish yakunigacha mutaxassislar ishtirokchilarni qiziqtirgan savollariga javob berib o'tishdi.