07 iyu 07:06
Yangiliklar

Tennis

Karen Xachanov "Rolan Garros"dagi ishtirokini yakunladi

Franciya poytaxti Parij shahri mezbonlik qilayotgan "Katta Dubulg'a" turkumiga kiruvchi "Rolan Garros" turniri o'zining hal qiluvchi pallasiga kirdi.

Dunyoning 11-raketkasi Karen Xachanov chorak final uchrashuvida avstriyalik Dominik Timga deyarli qarshiliksiz yutqazib qo'ydi. Reytingning 4-pog'onasidan joy olgan Tim rossiyalik raqibini 1 soatu 47 daqiqa davom etgan bahs yakunida 6/2, 6/4, 6/2 hisobida mag'lub etdi.

Dominik o'zaro uchinchi uchrashuvda ham 23 yoshli Xachanovni mag'lub etishning uddasidan chiqdi. Endi Tim French Open turnirining yarim finalida sayyoramizning birinchi raketkasi serbiyalik Novak Jokovichga qarshi kortga chiqadi.