27 okt 12:56
Yangiliklar

Tennis

Karimov SHenchjendagi turnirda kortga chiqdi

Xabar berganimizdek, bugun Xitoyning SHenchjen shahrida tennis bo'yicha “CHellenjer” turkumiga kiruvchi turnirning saralash bahslari boshlandi.

Sovrin jamg'armasin 75 000 AQSH dollarini tashkil etuvchi ushbu musobaqada ikki istedodli tennischimiz - Jo'rabek Karimov va Humoyun Sultonov yurtimiz sport sharafini himoya qilmoqda.

Sultonov saralashning ilk davrasida gollandiyalik Nisten Miliaanga qarshi kortga chiqib, raqibini ortiqcha qiyinchiliksiz 6/1, 6/2 hisobida taslim etgani haqida malumot bergan edik. Jo'rabek birinchi bosqichdayoq mag'lubiyatga uchrab, o'z ishtirokini to'xtatishga majbur bo'ldi.

Aniqrog'i, Karimov xorvatiyalik Matej Sabanovga qarshi kechgan uchrashuvni oxiriga etkaza olmadi. Birinchi setni 6:2 hisobida o'z foydasiga hal qilgan Jo'rabek ikkinchi setning to'rtinchi geymidan so'ng jarohati sabab kurashni davom ettira olmasligini bildirdi.