Karlos Alkaraz bosh sovrin uchun kurashni davom ettirmoqda

Dunyoning uchinchi raketkasi Karlos Alkaraz 1/4 finalda reytingning 44-pog'onasida borayotgan vatandoshi Pedro Martinesga hech qanday imkoniyat qoldirmadi - 6/2, 6/1. Ispaniyalik tennischilarning o'zaro uchrashuvlaridagi hisob yiriklashdi - 4:0. 

Etmish ikki daqiqa davom etgan bahsda Alkaraz 7 ta eys va 5 ta breykka erishib, 2 ta qo'shxatoga yo'l qo'ydi. Endi u final chiptasi uchun rossiyalik Andrey Rublyovdan ustun kelgan polshalik Xubert Gurkachga qarshi kortga chiqadi.