30 iyu 14:52
Yangiliklar
Tennis
Karlos Alkaraz ilk bor "Uimbldon"ning uchinchi bosqichiga chiqdi
Buyuk Britaniyada bo'lib o'tayotgan "Ulkan Toj" turkumiga kiruvchi "Uimbldon" turnirining ikkinchi davra o'yinlari davom etmoqda.
Sayyoramizning ettinchi raketkasi ispaniyalik Karlos Alkaraz turnirning ikkinchi davrasida ATR reytingida 53-o'rinni egallab turgan gollandiyalik Tallon Grikspurni 6/4, 7/6, 6/3 hisobida mag'lub etdi va uchinchi davraga yo'l oldi.
Uchrashuv 2 soatu 5 daqiqa davom etdi. Ushbu g'alabadan so'ng tennischilarning o'zaro uchrashuvlarida Alkaraz oldinga chiqib oldi - 2:1.
Endi keyingi bosqichda Alkaraz germaniyalik Oskar Ottega qarshi bahs olib boradi.
Eslatib o'tamiz, "Uimbldon"ning umumiy mukofot jamg'armasi 40 million 350 ming funtni tashkil etadi. Musobaqaning amaldagi chempioni serbiyalik Novak Jokovich hisoblanadi.
Havola :
Manba : championat.com
Fikrlar