Karlos Alkaraz Madriddagi "Masters" turnirini g'alaba bilan boshladi

Jahonning to'qqizinchi raketkasi, ispaniyalik Karlos Alkaraz Mutua Madrid Open turnirining ikkinchi davrasida ATP reytingida 27-o'rinni egallab turgan gruziyalik Nikoloz Basilashvilini 6/3, 7/5 hisobida mag'lub etdi.

Uchrashuv 1 soatu 23 daqiqa davom etdi. Ushbu vaqt davomida Karlos to'rtta eys, bitta qo'sh xato va oltita breyk qayd etdi. Nikoloz esa ikkita eys, ettita qo'sh xato qayd etib, uchta breyk-poyntdan unumli foydalandi. Sportchilarning o'zaro o'zaro uchrashuvlarida Alkaraz 2:0 hisobida oldinda.

Alkarazning "Masters" turniridagi navbatdagi raqibi britaniyalik Kemeron Norri yoki amerikalik Jon Izner bo'ladi.