Karpin va Arutyunyanc SHomurodovni yilning eng yaxshi futbolchisi deb topishmadi

Bu haqida "Sport-Ekspress" nashri xabar qildi.

Ovoz berish jarayonida jamoa prezidenti o'z vakolati doirasida 5 nafar futbolchini tanlab ko'rsatishi kerak bo'lgan va Arutyunyanc barcha futbolchilarni o'z klubidan tanlagan. U birinchi o'ringa "Rostov" to'purari Eldor SHomurodovni emas, Roman Eryomenkoni munosib deb topgan. Keyingi o'rinlarga Matias Normann, Ivelin Popov, Eldor SHomurodov, Aleksey Ionovlar munosib ko'rilgan.

SHuningdek, jamoa ustozi Valeriy Karpin birinchi o'ringa munosib deb "Monako" yarim himoyachisi Aleksandr Golovinni ko'rsatgan. Murabbiyning ro'yxatida Eldor 5-o'rinni band qilgan.

Ko'pchilik o'quvchilarimiz hamyurtimiz umumiy so'rovnomada nechanchi o'rinni egallagani bilan qiziqdilar. Takidlash lozimki, Eldor 4-o'rinni egallagan. Undan oldinda Artyom Dzyuba, Aleksandr Golovin va Gjegoj Krixovyaklar joylashgan.

Ushbu so'rovnoma qanday mezonlar asosida shakllantirilgani va ovoz berish jarayoni haqida birozdan keyin batafsil malumot beramiz. Darvoqe, Roman Eryomenko umumiy natijalarga ko'ra 11-o'rinni egallagan.