Kecha kamarini himoya qilgan Dyu Plessi keyingi raqibi sifatida kimni ko'rishni istashini aytdi

Janubiy Afrika Respublikasi vakili UFC 305 turnirining markaziy jangida ushbu kamarning sobiq sohibi Israel Adesanyani to'rtinchi raundda bo'g'ish usuli bilan mag'lubiyatga uchratgan edi. Drikus navbatdagi raqibi sifatida Robert Uittakerni ko'rish istaginida ekanini malum qildi.  

"Robert Uittaker! U chempionlik uchun imkoniyat berishga munosib. Robert Kosta va SHon Striklendni taslim etdi. Bu bilan u maqtana oladi. Keyin Xamzat bilan jangga rozilik berdi. Ammo bu jang amalga oshmay qoldi. Natijada Uittaker reytingi yo'q jangchiga qarshi oktagonga chiqishga majbur bo'ldi. Ha, Ikram kuchli jangchi, lekin u ham qisqa muddatda jangga rozilik berdi. Uni ham tushunish mumkin. Uittaker yana CHimaev bilan jang qilishga rozi bo'ldi. U Xamzatni mag'lub eta olsa ham chempionlik jangi berishmasa kerak. Afsuski, bu ishlar mening qo'limda emas. Aks holda, Robertga chempionlik uchun jang qilish imkonini berardim. Men istalgan jangchi bilan oktagonda uchrashishga roziman. Agar Striklend bilan jang muxlislarga qiziq bo'lsa, men tayyorman. Lekin  Robertni chempionlik jangiga haqliroq deb hisoblayman", — dedi dyu Plessi.