Kechagi o'yinlardan so'ng Qozog'iston Pro-Ligasidagi holat. "Humo"ning pley-offdagi ilk raqibi kim bo'lishi mumkin?

Jumladan, Toshkentning "Humo" jamoasi 40-tur doirasida Astana shahrining "Snejnye Barsy" klubiga qarshi ikkinchi cafar o'yinini o'tkazdi. Jamoalar uchun mavsum davomidagi o'zaro so'nggi, to'rtinchi uchrashuv 7:0 hisobida "Humo" foydasiga yakunlandi.

Mazkur o'yindan so'ng "qanotlilar" musobaqa jadvalidagi ochkolari sonini 62 taga etkazishdi va bu bilan ikkinchi o'rinni mustahkamlab olishdi. "Snejnye Barsy" esa 9 ochko bilan so'nggi - o'n ikkinchi o'rinda qolmoqda. Vakillarimiz ayni damda birinchi o'rindagi "Sariarka" jamoasidan 12 ochko ortda, uchinchi o'rindagi "Nomad" jamoasidan esa 3 ochko oldinda bormoqda.

"Qanotlilar"ni endilikda muntazam chempionat doirasidagi navbatdagi raqib — "Nomad" kutib turibdi. Mazkur jamoaga qarshi ikkita safar o'yini 3-4 fevral kunlari bo'lib o'tadi.

Takidlash joiz, hozirgi vaziyatdan kelib chiqilsa, "Humo"ning pley-off bosqichidagi ilk raqibi katta ehtimol "Gornyak" jamoasi bo'lishi kutilmoqda.

Qozog'iston Pro-Ligasi 40-turidan so'ng musobaqa jadvali