Kollej o'quvchilari “Alpomish va Barchinoy” testlarini topshirishdi

Buning uchun test-meyorlarida yoshimizga doir shartlarni bajarsak kifoya. Agar shartlarini meyorida bajara olsak, demak sog'lom va baquvvatmiz. 

CHirchiq texnika kasb-hunar kollejida tahsil olayotgan o'g'il-qizlar, ustoz-murabbiylar ham kollejdagi sport maydonchalarida jismoniy imkoniyatlarini sinovdan o'tkazishdi. 

CHinakam sport bayramiga aylangan mazkur “Alpomish va Barchinoy” sinovlarida ishtirokchilar turnikda tortilish, granata uloqtirish, 100 metrga yugurish, yotgan holda tanani ko'tarish va arg'imchoqda sakrash shartlarini bajarishdi. 

Quvonarlisi, mazkur shartlarni deyarli barcha ishtirokchilar yuqori baho bilan topshirishdi. Bundan ko'rinib turibdiki, kollejda sport ishlari doim etiborda.

Amangul YUSUPBAEVA, CHirchiq texnika kasb-hunar kolleji jismoniy tarbiya rahbari: 

- Asosiy maqsadimiz - yoshlar o'rtasida jismoniy tarbiya va sportni keng targ'ib qilib, ommalashtirishdan iborat. Ananaga aylangan ushbu test- meyorlarida o'qituvchi va o'quvchilarimiz zo'r ishtiyoq bilan qatnashishadi. Meyorlarni bajarolmagan ishtirokchi jismoniy holatini kuchaytirishi uchun yanayam sportga oshno bo'ladi. 

SHuningdek, kollejimizda voleybol, basketbol, stol tennisi, shaxmat-shashka to'garaklari yo'lga qo'yilgan bo'lib, mazkur to'garaklarda ishtirok etayotgan o'quvchilarimiz turli musobaqalarda sovrinli o'rinlarni ham band etishmoqda. “Barkamol avlod” sport o'yinlaridan joy olgan basketbol bo'yicha jamoamiz respublika bosqichida ishtirok etish huquqini qo'lga kiritdi. Hozirda tayyorgarlik avjida.

Ilhom RAHMONOV, o'z muxbirimiz