Konferenciyalar ligasi: "CHelsi" "Astana"ga qarshi o'yin uchun Qozog'istonga akademiya tarbiyalanuvchilarini yuboradi

"Akademiya futbolchilaridan qaysi biri jamoa bilan Olmaotaga borishi va asosiy tarkibda maydonga tushishi hozircha nomalum. Biroq klubning yangilangan tarkibiga 11 nafar futbolchi kiritilgan: Xarrison Myurrey-Kempbell, Kayden Uilson, Tayrik Jorj, Kiano Dayer, Xarrison Makmaxon, Samuel Rak-Saki, Ato Ampax, Maks Merrik, Josh Achempong, SHumayra Mxeuka va Richard Olise. Turnir boshida faqat Achempong, Dayer, Djordj, Makmaxon va Merrik ro'yxatga kiritilgan edi, ammo musobaqa davom etar ekan, klub "B" ro'yxatiga cheksiz o'yinchilarni qo'shishga ruxsat beruvchi qoidadan foydalandi. "CHelsi" ananaviy ravishda yosh istedodlarni tarbiyalash bo'yicha Angliyadagi eng yaxshi akademiyalardan biri hisoblangan "Kobxem" akademiyasidagi shogirdlariga ishonadi. SHu bilan birga, uchrashuvda ishtirok etish U-21 futbolchilarining taqvimini buzmaydi, chunki ularning navbatdagi o'yini dushanba kuni bo'lib o'tadi", – deb yozmoqda Britaniya OAV.

Eslatib o'tamiz, "Astana" – "CHelsi" uchrashuvi Olmaotadagi "Ortalik" stadionida bo'lib o'tadi. Bellashuv 12 dekabr kuni 20:30 da boshlanadi. O'yin kuni havo harorati -17 daraja atrofida bo'lishi kutilmoqda.