Konstantin Kurashev: "Humo" haqli ravishda g'alaba qozondi

"O'yinni yomon boshlamadik, tashabbusga ega bo'ldik. Ammo, himoyalanayotgan jamoaga qaraganda hujum qilayotgan jamoaning kuchi ko'proq ketadi. Ikkinchi periodda esa to'lig'icha yutqazdik. Tashabbusni berib qo'ydik, period davomida bor-yo'g'i 4 marotaba raqib darvozasi tomon zarba berdik. Ularning 3 tasi so'ngi besh daqiqalikda bo'ldi. Bu albatta yomon. Himoyada ham xato qildik, keraksiz chetlatishlar bo'ldi. Oqibatda raqib bizni jazoladi. "Humo" haqli ravishda g'alaba qozondi deb hisoblayman".

-Eski do'stlarning uchrashuvida shunday bo'lishi kerakmidi? Xokkey tomonlama olib qaraydigan bo'lsak, o'yin ajoyib o'tdi. 

-Ha. Muxlislar uchun juda qiziq o'yin bo'ldi. Evgeniy ("Humo" bosh murabbiyi nazarda tutilmoqda - Olamsport.com) murabbiylik faoliyatim uchun barcha ishni amalga oshirgan. SHveycariyada ishlaganim, umuman, murabbiy bo'lishimda uning xizmatlari katta. Men uning oilasidan minnatdorman. Yaxshi do'stlarni uchratish doimo yoqimli. 

-Bu sizlarning ilk rasmiy o'yiningizmidi?

- Ha. 

"Humo" matbuot xizmati yordamida tayyorlandi