04 sen 18:10
Yangiliklar

Tennis

Konta AQSH Ochiq chempionatidagi ishtirokini yakunladi

Sayyoramizning 13-raketkasi Yoxanna Konta "Katta Dubulg'a" turkumiga kiruvchi AQSH Ochiq chempionatidagi ishtirokini to'xtatdi.

Britaniyalik tennis malikasi musobaqaning ikkinchi davrasida reytingning 77-pog'onasidan joy olgan ruminiyalik Sorana Kirstyaga imkoniyatni boy berib qo'ydi - 6/2, 6/7(5), 4/6.

Uchrashuv 2 soatu 49 daqiqa davom etgan. Yoxanna 5, Sorana esa 7 ta eys zarbasini amalga oshirgan. Britaniyalik tennischi o'zaro uchrashuvlarda ilk bor Kirstyaga yutqazdi Ruminiyalik US Open uchinchi bosqichida chexiyalik Karolina Muxovaga qarshi kortga chiqadi.