Kurash. Pahlavon Mahmud xotirasiga bag'ishlangan musobaqaga tayyorgarlik ko'rilmoqda

29 iyun - 1 iyul kunlari “Ichan-qala” majmuasidagi “Ko'hna Ark” madrasasining old maydonida kurash bo'yicha Pahlavon Mahmud xotirasiga bag'ishlangan I xalqaro turnir bo'lib o'tadi.
Dunyoning o'nta mamlakati: Qozog'iston, Xitoy Taypeyi, Turkmaniston, Hindiston, Eron, Janubiy Koreya, Qirg'iziston, Tojikiston, Germaniya,   Franciya va boshqalardan tashrif buyurgan 113 nafar ishtirokchi ettita vazn toifasida medallar uchun bahs olib boradilar. Ular orasida o'zbekistonlik 58 sportchi (24 nafari ayollar) ham gilamga chiqadi.

CHet ellik ishtirokchilar 27 iyundan mamlakatimizga uchib kelishmoqda. Ular Toshkent shahridagi “City Palace” mehmonxonasiga joylashtirildi va poytaxtimizning diqqatga sazovor joylari bilan tanishish imkoniga ega bo'lishdi.
28 iyun kuni Urganch xalqaro aeroportida musobaqa ishtirokchilari tantanali ravishda kutib olindi.

Xalqaro turnirning ochilishi marosimi 2018 yil 29 iyun kuni soat 16.00da “Ko'hna Ark” madrasasining old maydonida boshlanadi.