“Lacio” 99-daqiqada gol o'tkazib, g'alabani qo'ldan chiqardi

“Olimpiko” stadionida kechgan uchrashuvning 21-daqiqasida mehmonlar hujumchisi Fabio Kvalyarella hisobni ochdi. “Lacio” himoyachisi Franchesko Acherbi ikkinchi bo'lim oxirlarida muvozanatni tikladi. Hakam tomonidan qo'shib berilgan daqiqalarda mehmonlar himoyachisi Bartosh Bereshinski qizil kartochka olib maydonni tark etdi. 

Natijada CHiro Immobile 90+6-daqiqada penaltidan gol urib, jamoasini hisobda oldinga olib chiqdi. Ammo bu hammasi emasdi. Oradan uch daqiqa o'tib, “Samdoriya” xavbeki Rikkardo Saponara jamoasiga ochko keltiruvchi golni “Lacio” darvozasiga kiritdi - 2:2.

Bu “Lacio”ning A seriyada qatorasiga to'rtinchi durang natijasidir. “Sampdoriya” esa uch o'yindan buyon chempionat bellashuvlarida mag'lub bo'lmay kelmoqda.

25 ochko jamg'argan “Lacio” A Seriya turnir jadvalida 5-pog'onada borayotgan bo'lsa, “Sampdoriya” 20 ochko bilan 9-pog'onani band etgan.