Lagno blic yo'nalishida jahon chempioni! Tohirjonovachi?

Umumiy mukofot jamg'armasi 1 150 000 AQSH dollarini tashkil qiluvchi jahon chempionatining ayollar o'rtasidagi blic yo'nalishida rossiyalik grossmeyster Ekaterina Lagno g'oliblikni qo'lga kiritdi. U 17 imkoniyatdan 13,5 ochko jamg'ardi va 2010 yilgi muvaffaqiyatini takrorladi. 

Blic yo'nalishida jahon chempionatining kumush medali Sarasadat Xademalsharexga nasib etdi. Eronlik shaxmatchi 13 ochko jamg'arishga erishdi. Xitoylik Ley Tincze 12,5 ochko bilan bronza medaliga ega chiqdi. 

Jahon chempionatida ishtirok etgan yagona vakilamiz Gulruhbegim Tohirjonova 17 imkoniyatdan 8,5 ochko to'pladi va 60-pog'onadan joy oldi. Nafisa Mo'minovaning kichik singlisi bo'lgan Gulruhbegim so'nggi partiyada qora donalarda harakat qildi va gruziyalik grossmeyster Nana Dzagnidzega imkoniyatni boy berdi.