Leykers pley-offda ishtirok etish imkoniyatini yo'qotdi. LeBron Jeyms faoliyatida 4-marta pley-offni o'tkazib yuboradi

G'arbiy konferenciyada pley-offga chiqish uchun so'nggi yo'llanma biroz avval «Denver»ni mag'lub etgan (116:97) «San-Antonio»ga nasib etdi.

«Leykers» etakchisi LeBron Jeyms o'yinni jarohat tufayli o'tkazib yubordi. Jamoa forvardi so'nggi beshta o'yinning to'rttasida maydonga tushmadi. Rassel Uestbruk (28 ochko) va Entoni Devisning (21 ochko va 13 riband) say-harakatlari o'tgan yilgi finalchi va joriy chempionat peshqadamini mag'lub etish uchun etarli bo'lmadi.

37 yoshli Jeyms faoliyatida to'rtinchi marta pley-off bosqichini o'tkazib yuboradi. To'rt karra NBA chempioni 2003/04 va 2004/05 yillarda, shuningdek, «Leykers»dagi birinchi mavsumida (2018/19) pley-offni o'tkazib yuborgan edi.