"Leypcig" hujumchisi "Milan"ga o'tishga rozi

"Leypcig" hujumchisi Benyamin SHeshko "Milan"ga o'tishga rozilik berdi. Bu haqda "La Gazetta dello Sport" xabar bermoqda. Futbolchining tovon puli 50 million evroni tashkil qiladi. "Rossoneri" bu miqdorni maqbul deb hisoblamoqda.

Futbolchi vakillari allaqachon "qizil-qoralar" bilan muzokaralar olib borishgan. U hozirda "Milan"ning yozdagi asosiy transfer maqsadi hisoblanadi.

Sloveniyalik futbolchi ilk mavsumini "Leypcig"da o'tkazmoqda. 20 yoshli hujumchi ushbu mavsum barcha musobaqalarda 41 ta o'yinda maydonga tushib, 17 ta gol urdi va 2 ta golga assistentlik qildi.