09 fev 08:06
Yangiliklar

Engil atletika

Leytenant Dusanova O'zbekiston hisobiga yana ikkita medalni qo'shib qo'ydi

O'zbekiston Mudofaa vazirligi sport klubi azosi leytenant Nadiya Dusanova o'z muxlislarini ikkita – oltin va bronza medallari bilan xushnud etdi.

CHexiyada o'tkazilgan xalqaro turnirda joriy yil O'zbekistondan engil atletika turi bo'yicha Svetlana Radzivil va Nadiya Dusanova yuqori natijalarni ko'rsatib, yurtimizga medallar shodasini taqdim etdi. Mazkur xalqaro turnirda dunyoning 10 ta mamlakatidan kelgan 13 nafar sportchi o'zaro bellashdi.

Svetlana Radzivil balandlikka sakrash bo'yicha 183 santimetr ko'rsatkichga erishib, meksikalik Xumena Esquivel hamda Irlandiyadan kelgan Pippa Rogan bilan bir qatorda uchinchi o'rinni egalladi. Leytenant Nadiya Dusanova 192 santimetr natija bilan turnirning eng yuqori pog'onasidan joy egalladi.

Avvalroq, Nadiya Dusanova 190 santimetr balandlikka sakrab ushbu turnirda ikkinchi – bronza medaliga ega chiqdi.