"Leyver Kubogi" tashkilotchilari Federer uchun qoidalarni o'zgartirishdi

Reglamentga ko'ra, musobaqaning dastlabki ikki kunida har bir jamoa azosi bittadan yakkalik va juftlik bahsida ishtirok etishi shart. Biroq faoliyatini yakunlayotgan Federer faqat juftlik uchrashuvida chiqish qilishga ruxsat berishlarini so'radi. Tashkilotchilar va jamoalarning sardorlari buni qabul qilishdi. Endi yakkalik bahslarida uning o'rnini italiyalik Matteo Berrettini egallaydi.

"Hozir men so'nggi o'yinimga tayyorgarlik ko'ryapman. Bu juda hayajonli, chunki uzoq vaqtdan beri o'ynamaganman. Umid qilamanki, hammasi yaxshi bo'ladi.

Albatta, Nadal bilan tandemda o'ynashni istardim, bu o'ziga xos o'zgacha bo'lardi. Raqobatimiz davomida biz doimo bir-birimizni hurmat qildik va ajoyib munosabatlarni saqlab qoldik. Bu barcha tennischilar uchun ajoyib xabar bo'lardi. SHuning uchun u bilan o'ynash ajoyib bo'ladi deb o'ylayman", - deya Federerning so'zlarini keltiradi turnir rasmiy sayti.