14 iyu 08:09
Yangiliklar

Tennis

Libema Open. Stefanos Cicipasning kutilmagan mag'lubiyati

Gollandiyaning Xertogenbos shahrida maysa mavsumining ilk ATP turniri davom etmoqda.

Dunyoning oltinchi raketkasi Stefanos Cicipas kutilmaganda ikkinchi davra uchrashuvida mag'lubiyat alamini totib ko'rdi. Greciyalik 20 yoshli istedod egasi roppa-rosa 2 soat davom etgan bahsda chililik 23 yoshli Nikolas Xarriga imkoniyatni boy berdi - 4/6, 6/3, 4/6.

Bu tennischilarning o'zaro ilk uchrashuvi edi. Dunyo reytingida 60-pog'onadan joy olgan Xarri endi Libema Open turnirining chorak finalida franciyalik Rishar Gaske hamda qozog'istonlik Mixail Kukushkin o'rtasidagi uchrashuv g'olibiga qarshi kortga chiqadi.