Lorenco Sonego o'z vatanida chempion bo'ldi

Hal qiluvchi final uchrashuvida italiyalik Lorenco Sonego serbiyalik Laslo Jerega qarshi kortga chiqib, qiyin kechgan bahsni o'z foydasiga hal qila oldi - 2/6, 7/6(5), 6/4.

Uch soatu 3 daqiqa davom etgan uchrashuvda dunyoning 34-raketkasi bo'lib turgan 25 yoshli Lorenco bitta, reytingning 57-pog'onasidan joy olgan 25 yoshli Laslo esa 5 ta eys zarbani amalga oshirdi. Bu Sonegoning faoliyatidagi ikkinchi sovrin edi. Kalyaridagi ishtirok unga 40,100 evro mukofot puli hamda 250 reyting ochkosini taqdim etdi.