Los-Anjeles-2028: Qilichbozlarimiz jamoaviy dasturda ham licenziya qo'lga kiritishni niyat qilishgan

Qilichbozlarimiz so'nggi ikki Olimpiya o'yinlarida delegaciyamiz tarkibida ishtirok etib kelishmoqda. Yangi Olimpiya mavsumi terma jamoamiz uchun har qachongidan masuliyatli hisoblanadi. Boisi 2027-yil Toshkent kattalar o'rtasidagi jahon chempionatiga mezbonlik qiladi va unda Olimpiada uchun eng yirik reyting ochkolari o'ynaladi. Federaciya taqdimotida rais Maxsud Abdusamadov bu borada alohida to'xtalib o'tdi.

Uning takidlashicha, qilichbozlarimiz bu gal jamoaviy dasturda ham Olimpiada yo'llanmalari uchun kurash olib borishadi. Bu borada sablyachilarimizning imkoniyati yuqori baholanib, hozirdan tayyorgarlik boshlab yuborilgani malum qilindi. SHuningdek, qilichbozlarimizni boshqa yo'nalishlarda ham munosib tayyorlash borasida ishlab chiqilgan reja tanishtirildi.

Muloqot davomida yangi Olimpiya siklida terma jamoaga jalb qilinishi kutilayotgan xorijlik murabbiylar masalasiga ham alohida to'xtalib o'tildi. Terma jamoa bosh murabbiyi Ruslan Kudaev xorijlik mutaxassislar bilan ishlash, yurtimizda yoshlar o'rtasidagi Osiyo va Jahon kubogi bosqichlarini o'tkazish orqali iqtidorli sportchilarni saralash ko'zda tutilganini qo'shimcha qildi.

Suhbat yakunida federaciyaning hududiy bo'limlari bilan ishlashni yanada jadallashtirish tavsiya qilinib, O'zbekiston delegaciyasini Los-Anjeles-2028 yozgi Olimpiya o'yinlariga puxta tayyorlash bo'yicha ishlab chiqiladigan Prezident qarori loyihasi uchun takliflar belgilab olindi.